ISIS ပေါက်ဖွားရာ သမိုင်းအကျဉ်း

ရက်စက်ကြမ်းတမ်းသော အယ်ကိုင်းဒါးအဖွဲ့မှ ပေါ်ပေါက်လာခဲ့သော ISIS အဖွဲ့သည် မထင်မရှားရှိနေခဲ့ရာမှ ပြီးခဲ့သည့် နှစ် များ အတွင်းတွင် အကြမ်းဖက်မှုကို အားပေးသူများအပေါ် လွှမ်းမိုးနိုင်သည့် အဖွဲ့အစည်း တခုဖြစ်လာသည်။ ယခုအခါတွင် ဆီးရီးယားနှင့် အီရတ်တွင် နယ်မြေအမြောက်အများ သိမ်းယူနိုင်ခဲ့သည့် အတွက် အမေရိကန်၏ စစ်ရေးပစ်မှတ်တခု ဖြစ် လာသလို အနောက်တိုင်းသား အများအပြားကို သွေးအေးအေးဖြင့် သုတ်သင်ပြခဲ့သည့် အတွက် ကမ္ဘာ့သတင်း ခေါင်းစဉ် များကို လွှမ်းမိုးနိုင်ခဲ့သည်။

ISIS ၏နောက်ကြောင်းကို ကြည့်မည်ဆိုလျှင် ဆွန်နီ အကြမ်းဖက် အဖွဲ့အစည်းတခု ဖြစ်သည့် အယ်ကိုင်းဒါးအဖွဲ့၏ အီရတ် ဂိုဏ်းခွဲ (AQI) က စတင်သည်ဟု ဆိုနိုင်ပါသည်။ AQI ကို ဦးဆောင်သော အဘူ မူဆဘ် အယ်ဇာကာဝီသည် အီရတ်နိုင်ငံ ကို အမေရိကန်တပ်များဝင်ရောက်တိုက်ခိုက်ခဲ့ပြီး နောက်ပိုင်းတွင် ပေါ်ပေါက်ခဲ့သော ဗုံးခွဲမှုများ၊ ပြန်ပေးဆွဲမှုများ နှင့် ခေါင်း ဖြတ်သတ်မှုများ အတွက်တာဝန်ရှိသူ ဟုဆိုကြသည်။ ၂၀၀၆ ခုနှစ်တွင် အမေရိကန်၏ လေကြောင်းတိုက်ခိုက်မှုကြောင့် အယ်ဇာကာဝီ သေဆုံးသွားပြီးနောက်ပိုင်းတွင် ၎င်းတို့အဖွဲ့ကို အဘူ ဘာကာ အယ်ဘတ်ဒါဒီဟု သိကြသည့် အီရတ်လူမျိုး တိုက်ခိုက်ရေးသမားက ဆက်လက်ဦးဆောင်ခဲ့သည်။

၂၀၀၇ ခုနှစ် နောက်ပိုင်းတွင် အင်အားနည်းပါးလာသည့် AQI အဖွဲ့သည် ၎င်းတို့၏ အခွင့်အရေးများနှင့် သြဇာအာဏာကို ပြန်လည်ထူထောင်ရန် အတွက် ၂၀၁၁ ခုနှစ်ကထဲက ပဋိပက္ခများ ဖြစ်ပွားနေသည့် ဆီးရီးယား နိုင်ငံသို့ ရွှေ့ပြောင်းခဲ့သည်။ ၂၀၁၃ ခုနှစ်တွင် အယ်ဘတ်ဒါဒီက သူ့အဖွဲ့၏ သြဇာကို အီရတ်နိုင်ငံ အထိပြန်လည် ချဲ့ထွင်ခဲ့ပြီး အဖွဲ့ အမည်ကိုလည်း ISIS ဟု ပြောင်းလဲခဲ့သည်။

မူလက အယ်ကိုင်းဒါး၏ အဖွဲ့ခွဲတခု ဖြစ်သော်လည်း ၂၀၁၄ ခုနှစ် ဖေဖော်ဝါရီလတွင် Long War Journal က ၎င်းတို့ရရှိခဲ့ သည့် စာတစောင်အရ အယ်ကိုင်းဒါး၏ ထိပ်ပိုင်းခေါင်းဆောင်များက အယ်ဘတ်ဒါဒီအပေါ် စိတ်ပျက်နေကြပြီး ISIS နှင့် အဆက်အသွယ်များ အားလုံးကို ဖြတ်တောက်ပစ်ခဲ့သည်ဟု ရေးသားခဲ့သည်။ အယ်ဘတ်ဒါဒီက သူ့ကိုယ်သူ အစ္စလမ်မစ် နိုင်ငံတော် (IS) ၏ caliph အကြီးအကဲဟု ခေါ်ဆိုခဲ့သည်။

၂၀၁၄ ခုနှစ်နှောင်းပိုင်း၌ ISIS ၏ တိုက်ခိုက်ရေးသမား ၃၀၀၀၀ အထိရှိနိုင်သည်ဟု အမေရိကန် ဗဟိုထောက်လှမ်းရေး အေဂျင်စီ (CIA) ကခန့်မှန်းခဲ့သည်။ ကမ္ဘာ အနှံ့အပြားမှ လာရောက်ပူးပေါင်းကြသည့် တိုက်ခိုက်ရေးသမား အမြောက် အများ ရှိသည်ဟု သိရသည်။

အမေရိကန် အမျိုးသား အကြမ်းဖက်မှု တိုက်ဖျက်ရေး စန်တာ၏ ညွှန်ကြားရေးမှူးက နိုင်ငံခြားသား တိုက်ခိုက်ရေးသမား ၂၀၀၀၀ ခန့်သည် နိုင်ငံပေါင်း ၉၀ မှ ဆီးရီးယားသို့ လာရောက်ပူးပေါင်းကြခြင်းဖြစ်ပြီး အခြား တိုက်ခိုက်ရေးသမား ၃၄၀၀ ခန့်မှာ အနောက်နိုင်ငံများမှ လာရောက်သူများ ဖြစ်ကြောင်းနှင့် အမေရိကန်နိုင်ငံသား ၁၅၀ ခန့် ပါဝင်ကြောင်း ၂၀၁၅ ခုနှစ် ဖေဖော်ဝါရီလ အတွင်းက ကွန်ဂရက်လွှတ်တော်သို့ ပြောကြားခဲ့သည်။

ISIS က ၎င်းတို့ ထိန်းချုပ်သည့် ဒေသများရှိ လူနည်းစုများကို ဦးတည်၍ နှိပ်စက်ညှဉ်းပမ်းမှုများပြုလုပ်ခဲ့သည်။ ကြမ်းတမ်း စွာ သတ်ဖြတ်ခြင်းများကြောင့် ခရစ်ယာန် ဘာသာဝင်များ၊ ယာဇီဒီမျိုးနွယ်များနှင့် အခြားလူနည်းစုများမှာ ရာစုနှစ်များစွာ နေထိုင်ခဲ့သောနေရာများမှ ထွက်ပြေးခဲ့ကြရသည်။

ISIS မှ ဖြန့်ဝေသည့် လက်ကမ်းစာစောင်တခုနှင့် အွန်လိုင်းပေါ်တွင် ဖြန့်ဝေသည့် ၎င်းတို့၏ ဥပဒေသများအရ မယုံကြည်သူ အမျိုးသမီးများကို ကျေးကျွန်များ အဖြစ် သတ်မှတ်ထားသည်ကို တွေ့ရသည်။ အလိုမတူဘဲ မတရားပြုကျင့်ရန်လည်း ဥပဒေများက ခွင့်ပြုထားသည်။

ကိုးကား။     ။ CNN, ABC